ಮೊದಲ ಹೆಜ್ಜೆ !

ಹಣತೆ ಹಚ್ಚುವುದು
ಸೂರ್ಯನಾಗುವ ಬಯಕೆಯ
ಮೊದಲ ದಿಟ್ಟ ಹೆಜ್ಜೆ !

ಮಾತ್ರೆಗಳು !

ಅಯತಪ್ಪಿ ಬಿದ್ದು
ಸಾಯುವವನನ್ನು
ಮೆಲ್ಲಗೆ ಒರಗಿಸಿ ಮಲಗಿಸಿ
ಉಸಿರು ನಿಲ್ಲಿಸುವ 
ಸಾಧನಗಳೇ ಮಾತ್ರೆಗಳು !

ರಾಜನಲ್ಲ !

ಪ್ರಶ್ನೆ ಕೇಳದವನು
ಒಳ್ಳೆಯ ಪ್ರಜೆಯಲ್ಲ
ಉತ್ತರ ಹೇಳದವನು
ಒಳ್ಳೆಯ ರಾಜನಲ್ಲ !

ತತ್ವ

ಬದುಕು ನೀರಿನ೦ತೆ
ಬದುಕಿರುವವನ ಮುಳುಗಿಸುತ್ತದೆ
ಸತ್ತವನ ತೇಲಿಸುತ್ತದೆ !

ಮಳೆಯ ವಾಸನೆ

ಮಳೆಯ ವಾಸನೆಗೆ ಬಾಲ್ಯದ ನೆನೆಪು

ಮ೦ಜು ಬೀಳುತಿರೆ ಹಸಿರಿಗೆ ಒನಪು

ಬಿಸಿಲೋ ತಿ೦ಗಳೊ ಎರಡೂ ಬೆಳಕು

ಬೀಸುವ ಗಾಳಿಗೆ ತರಗೆಲೆ ಬದುಕು !