Thursday, 27 August 2015

ಮಹತ್ವಾಕಾಂಕ್ಷಿ 

ನರಚರ್ಮಗಳನೆಳೆದು  ನಗುವುದು
ಸುಮ್ಮನೆ ಬೊಗಳೆಹೊಡೆವುದು
ಶಿವಪೂಜೆಗೆ  ಕರಡಿಯಂತೆರಗುವುದು
ತಲೆಖಾಲಿ ಇದ್ದಾಗಲೆಲ್ಲ ನಾಲಗೆಗೆ
ಕೆಲಸಕೊಡುವುದು , ಕಂಡದ್ದಕ್ಕೂ
ಕಾಣದ್ದಕ್ಕೂ ಮರುಗುವುದು
ಅಲ್ಲೊಂದ್ ಇಲ್ಲೊಂದನಾಡುವುದು
ಬೆಟ್ಟಹತ್ತಲಾಗದೆ ಅಟ್ಟಕ್ಕೆ ಹಗ್ಗಹೊಸೆವುದು
ಮಹತ್ವಾಕಾಂಕ್ಷಿಯ ಜರಿವುದು  !
ತಿಳಿಯಿತು 

ಅಚಾನಕ್ಕಾಗಿ ಏನೋ ಹೊಳೆದಂತಾಗಿ
ಥಟ್ಟನೆ ಬರೆಯಲು ಕುಳಿತೆ
ಸಾಧಾರಣ ಅನಿಸಿತು !
ನನ್ನ ಶಬ್ಧಸಂಪತ್ತನೆಲ್ಲ
ಉಪಯೋಗಿಸಬೇಕೆನಿಸಿತು.
ಹಾಗೆಯೇಮಾಡಿದೆ !
ಬರೆದದ್ದನ್ನು ಒಮ್ಮೆ ಓದಿ
ನನಗೆನಾನೆ ಭೇಷ್ ಎಂದುಕೊಂಡೆ !
ಮತ್ತೊಮ್ಮೆ ಮಗದೊಮ್ಮೆ ಓದಿದೆ
ಯಾಕೋ ಶಬ್ಧಗಳ ಭಾರಕ್ಕೆ
ವಾಕ್ಯಮುರಿದುಬಿತ್ತು !


ದರ್ಶನ್ ಜೆ

Saturday, 15 August 2015

ನನ್ನ ಕಥೆಗಳು 

ನನ್ನ ಕಥೆಗಳು ಎಲ್ಲಿವೆ ?
ಹಟ್ಟಿಯಲ್ಲೋ, ಹಾದಿಯಲ್ಲೋ
ಕತ್ತಲೊಳಗಿನ ಬಿತ್ತಿಯಲ್ಲೋ ?
ನನ್ನ ಚಿತ್ತದ  ಬ್ರಾ೦ತಿಯಲ್ಲೋ
ವರ್ತಮಾನದ ಭಾವದಲ್ಲೋ
ಗತಿಸಿಹೋದ ಗೋರಿಯಲ್ಲೊ
ನಾಳೆಯಡೆಗಿನ ಶೂನ್ಯದಲ್ಲೋ !
ನಾನೇ ಕಟ್ಟುವ ಕೂಟೆಯಲ್ಲೋ
ಬರೆಯಲಾಗದ ಕವಿತೆ ಯಲ್ಲೋ ?

Saturday, 8 August 2015


ಈGO 
ನಾವು ಸತ್ತು ಬಹಳ ದಿನವಾಗಿವೆ

ಈಗ ಉಳಿದಿರುವುದು ನಾನು ಮಾತ್ರ !