ದೇವರುಗಳ ರಾಜ್ಯದಲ್ಲಿ !

ನಿರ್ಗುಣನೋ ನಿರಾಕಾರನೋ
ಕಂಡೋರ್ಯಾರು ನಿನ್ನನ್ನ
ಎಲ್ಲಿರುವೆಯೋ ಎಂತಿರುವೆಯೋ
ಹೇಗೆ ಕರೆಯಲಿ ನಿನ್ನನ್ನ

ಉಳುವವನ ನೊಗ ಸೋತಿರುವಾಗ
ಹೊರುವವನ ಬೆನ್ನು ಬಾಗಿರುವಾಗ

ಎಡವಿದ ಕಾಲೇ ಮತ್ತೆ ತೊಡರಿ
ನೆಡೆಯುವುದನ್ನೇ  ನಿಲಿಸಿರುವಾಗ

ಸುಳ್ಳಿಗೆ ಸತ್ಯದ ಕುಲಾವಿ ಹೊಲಿಸಿ
ಹಾಡಹಗಲಲೆ ಕುಣಿಸಿರುವಾಗ

ನಿನದೆ ಮನೆಯ ಒಳಹೊರಗಲ್ಲಿ
ಎಷ್ಟು ಅಂತರ ಬೇಡುವನಲ್ಲಿ !
ಯಾರಿಗೆ ಕೊಟ್ಟೋ ಯಾರನು ಬಿಟ್ಟೋ

ಹುಂಡಿ ತುಂಬಿದರೂ
ಹೊಟ್ಟೆ ತುಂಬದಿಹ
ದೇವರುಗಳ ರಾಜ್ಯದಲ್ಲಿ !