ಸಿಗರೇಟು

ವರ್ತುಲ ವರ್ತುಲ ಸಿಗರೇಟಿನ ಹೊಗೆಯೆ೦ದು
ಅಡಿಗರು ಬರೆದಾಗ ಕುವೆ೦ಪು ಕೆ೦ಡಾಮ೦ಡಲ !

ಸಿಗರೇಟಿನ ಮ೦ದಬೆಳಕಿನಲ್ಲಿಯೇ ಅದೂ
ಮೈಸೂರಿನ ಮ೦ದಣ್ಣನ ಕಾಫಿ ಹೌಸಿನಲ್ಲೇ
ಈ ಕವನ ಹುಟ್ಟಿರಬಹುದಾ ???

ಮ೦ದಬೆಳಕಿನ, ಘಾಟಿನ, ಎನೂ ಸ್ಪಷ್ಟವಾಗಿ
ಕಾಣದ ಸ್ಥಿತಿ ಯಲ್ಲಿ  ನವ್ಯಕಾವ್ಯಗಳು ಹುಟ್ಟಿ
ಅವು ಒದುಗರಿಗೂ ಅರ್ಥವಾಗದೆ
ಕಾಡಿರಬಹುದಾ ???

ಸಿಗರೇಟಿನ ಹೊಗೆ ಕೋಣೆಯನ್ನೆಲ್ಲ
ಆವರಿಸಿ ಮಾಯಾಲೋಕ ಸೃಷ್ಠಿಸಿ
ತೇಜಸ್ವಿಯವರ ಕರ್ವಲ್ಹೊ ಕಾದ೦ಬರಿಯ
ಮ೦ದಣ್ಣ ಹುಟ್ಟಿರಬಹುದಾ ???

ಈಗಬಿಡಿ ಸಿಗರೇಟು ಹಾನಿಕಾರಕ
ನವ್ಯಕಾವ್ಯ ಇನ್ನೂಹಾನಿಕಾರಕ !
ಸಿಗರೇಟಿನ ಆ೦ಗಡಿಯಲ್ಲೇ ಸಿಗುವ
"ನಿಕೋರೆಟ್ಟು" !
ಒ೦ದು ಹಿಡಿಸಲು ಒ೦ದು ಬಿಡಿಸಲು
ಎರಡೂ ಅ೦ಗಡಿಯವಗೆ ಬಿಜಿನೆಸ್ಸು !

ಒ೦ದು ಧ್ಯಾನ ಹೇಳಿಕೊಟ್ಟರೆ
ಮತ್ತೊ೦ದು ಕಣ್ನು ತೆರೆಸುವುದು
ಒ೦ದು ಕುವೆ೦ಪುವಾದರೆ
ಮತ್ತೊ೦ದು ಅಡಿಗರ೦ತೆ!

ದರ್ಶನ್ ಜೆ